FESTIVAL 2025

Vi kan stolte presentere årets festivalmusikarar
og programmet for hovudkonsertane!

Våre kunstnarlege leiarar Audun Sandvik og Ida Klokk-Bryhn har saman med gjestekurator Unni Løvlid sett saman er variert, vakkert og vandrande program - med eineståande musikarar - som vi gler oss til å dele med dykk i september.

Festivalmusikarane er:
Unni Løvlid - song
Elise Båtnes - fiolin
Liv Hilde Klokk-Bryn - fiolin
Nicholas Bootiman - bratsj
Ida Klokk-Bryn - bratsj
Louisa Tuck - cello
Audun Sandvik - cello

I tillegg får vi høre Distriktsmusikarane i Sogn og Fjordane OG Hordaland(!!), strålande studentar ved folkemusikkstudiet ved Norges Musikkhøgskole og framragande unge talent Startgropa
- og meir til.

Litt om hovudkonsertane - som vi har baka fram kring det å vandre - vandring:

Torsdagskvelden skal den sterke melodien få fokus! Melodiane vandrar som menneska - slik La follia har vandra i fleire hundre år. Den skal få vandre vidare også denne kvelden, saman med andre vandrarar - nokre vi kjenner godt frå før, og nokre vi endeleg blir kjende med der og då.

Fredagen står i spenn mellom samtid og fortid – det moderne og det tradisjonelle. Vestnorsk musikk skapt i samtida med djupe røter - no i dialog med austeuropeiske dansar.

Laurdagen i Vereide kyrkje får 900 år gamal musikk klinge gjennom dei unge,
og natta vert forvandla…

OG! Vi har minst eitt ess i ermet som vi skal fortelje meir om - om litt!

Medan du ventar kan du sikre deg eit festivalpass til god pris.
Vi ser oss gjerne nøydde til å auke prisen bitte litt når vil slepp siste konserten!
https://checkout.ebillett.no/229/events/9073/purchase/setup