Velkommen til stemningsfull julekonsert i Ljosborgstova!

Denne kvelden får du høyre kjente og kjære julsongar samt klassiske perler framført av ein fantastisk gjeng med musikarar. Dei kunstneriske leiarane for Gloppen Musikkfest, Ose Kammerspel, Sølvane Gard og NordfjordKammer har gått saman om denne julekonserten, og vil garantert få publikum i skikkeleg julestemning. De kan glede dykk til kjente perler som t.d. Stille natt, Ave Maria og O helga natt, i tillegg får de også høyre eit utdrag frå Nøtteknekkaren arrangert spesielt for denne konserten. Og det blir jo ikkje ekte jul utan Johann Sebastian Bach, så de vil både få ein smakebit frå dobbeltkonserten hans i tillegg til eit par satsar frå Triosonate frå A Musical offering. Konserten avsluttast med den nydelige Å kom nå med lovsang.

Konserten er eit samarbeid mellom Sølvane Gard, Nordfjord Kammer, Ose Kammerspel og Gloppen Musikkfest.

Musikarar:
Eivind Kandal - tenor
Maria Ose - fløyte
Ingrid Ose - fløyte
Miriam Bergset - fiolin
Madelene Berg - fiolin
Ida Klokk-Bryhn - bratsj
Audun Sandvik - cello