KORT OM STRYKESEKSTETTEN

- det beste strykeensemblet som har spelt på Sandane!

Øyvind Bjorå er konsertmeister i Den Norske Opera & Ballett sitt orkester. Han har tidlegare vore konsertmeister i Trondheim Symfoniorkester og Bergen Filharmoniske Orkester. Svært ettertrakta musikar både nasjonalt og internasjonalt. Han er medlem i Det Norske Kammerorkester.

Anders Nilsson er ein ung, men svært ettertrakta fiolinist. Han har vore solist med alle symfoniorkestra i Noreg. Han har fått ei rekkje priser og har vore solist på fleire CDar. Han er, i lag med faren sin, Stig Nilsson, kunstnarleg leiar for Hardanger Musikkfest.

Per Kristian Skalstad er dirigent, fiolinist og bratsjist. Han var tidlegare medlem av Oslo strykekvartett og tidlegare konsertmeister i Den Norske Opera & Ballett sitt orkester. Svært ettertrakta nasjonalt og internasjonalt både som dirigent, fiolinist og orkesterleiar. Han er medlem av Det Norske Kammerorkester. Han er kunstnarleg leiar for Gloppen Musikkfest.

Nora Taksdal er solobratsjist i Kringkastingsorkesteret og tidlegare solobratsjist i Oslo-filharmonien. Ho var tidlegare medlem av Vertavo-kvartetten.

Andreas Brantelid er dansk og er ein av dei største unge cellistane internasjonalt. Han har nettopp kome ut med ei CD-innspeling med cellokonsertar av Schumann og Saint Saens på EMI. Solist og kammermusikar på høgaste nivå. Say no more.

Audun Sandvik er solocellist i Kringkastingsorkesteret og i Det Norske Kammerorkester. Neste år blir han å finne som solocellist i Den Norske Opera & Ballett sitt orkester. Spelar på ei lang rekke festivalar nasjonalt og internasjonalt. Han er kunstnarleg leiar for Gloppen Musikkfest. Han er også høgreving på musikarane sitt fotballag, Musicians United.